Ghen! Ghen!! Ghen!!! D tori wey all of us don dey suspect tey tey, but we no see authentic confirmation from anywhere, e be like say na true o. As we all know say na normal level for industry make man and woman like each other com dey for relationship, but dis one shock us small sake of say, both parties no even use style divulge d tori for us
Na soso picture we dey see of dem together and songs together. But e b like say everything don finally cast. The relationship between Adekunle Gold and Simi , e be like say no b mutual relationship as some of us dey reason am, sake of say rumour just surface on top social media say d both of dem don ready to tie d knot for final final
Simisola Bolatito Ogunleye wey everibodi sabi as Simi na RnB songstress wey don dey totori our belle tay tay with a lot of songs like ‘Tiff’, ‘Jamb question’ ‘Love don’t care’ and other ones. But as her music journey dey go, nobody don confirm d person wey she dey date but if dey ask am, she go say she get boyfriend. Some people even talk am at one point say na ‘Falzthebadtguy’ b her bobo, but she talk am say no, say dem just get ‘music Chemistry’. Around this period wey I dey talk na wen dem release one track titled Soldier wey Falz feature Simi, she sef com do song with am on top ‘Jamb Question remix’. After dis one, dey com release E.P togeda. Na dis one make everybody dey shout say dem dey date, ( we no know say we just dey jones). All dis while we no know say na Adekunle Gold be d real bobo,dey just dey code dey express their love 4 corner and songs. For example, shey una know say song titled ‘Orente’ dat year, na Simi he sing am for, d names wey he mention for d song, na she dey bear am.
Over time, we don dey see say e b like say Falz na jus her friend and Adekunle na d main guy but d one wey happen today don clear everything. Na so we wake up dis morning see say the both of dem dey trend for Twitter, as I com say make I torchlight d matter na so I just dey see report say today 9th of January 2019, na their wedding for Lagos and dem no invite pas 300 people. Na so plenty fans just dey congratulate dem and other celebrities wey no get d gist before dey doubt am say na music video dey one shoot.
Some people sources even report say dem don do introduction for December 2018 and dey no allow make anybody take pictures in order not to make am public. Today com b their traditional marriage for d Magodo part of Lagos, and e dey very intimate. According to reports, d white wedding go hold on Thursday, the 10tb of January, 2019 for Ilashe Beach. Some celebrities self just dey upload picture of Aso-ebi for Instagrm and Twitter, we don see one from Phleez, d YBNL producer and even Moelogo wey b Adekunle’s padi, although none of dem disclose their location
Las, las, na pictures we dey expect anytime soon, and just dey congratulate dem say dem dey very smart with their decision and we respect and love dem. We dey pray say their marriage go dey blessed with children and dey go get peace of mind, with all the good things of life.
cc Bolaji Arowolo 2019
My Name be Bolaji Arowolo i be pidgin radio writer kindly follow me . for any questions