As to support the education matter for obodo Naija, Koladaisi Foundation don come out talk say dem go sama 250 Naija Students with scholarship package to study any course for Koladaisi University, wey dey Ibadan, Naija.
The 250 naija students wey Dem go select , go collect #50,000 each as the scholarship package as Dem enter Koladaisi University, Ibadan for the 2019/2020 academic waka.
The Foundation don nack us the full gist say, any student wey wan enter the university must get nothing small pass 140 for the Unified Tertiary Matriculation Examination (UTME) wey shele for 2019.
To make the matter sweet well, candidates wey wan come through A level or Joint Preliminary Examination Board ( JUPEB) fit apply for admission sharparly if Dem get 4 points or above, so that Dem go fit enjoy the Koladaisi University scholarship package.
For more informate about the all the matter, just log on to www.koladaisiuniversity.edu.ng or call 08084301409 ( for WhatsApp only) 08189254314, 09068872144 or 09068872144.