Federal Ministry of Health for Naija don come out talk say one person wey come from Italy don catch the deadly Corona virus inside Lagos. The matter wey Dem confirm on the 27th of February, 2020, na Im be the first case for Naija since the virus spread for last December for China.
As part of the matter be, Koladaisi University, Ibadan no dull am at all. Dem gather students and every worker to give Dem correct informate about the virus and how Dem fit dey free from any other diseases.
When the Vice Chancellor Professor Luke Kolade Ayorinde don yarn inside him opening remarks. He talk say the school go get Health talk wey go informate Dem about the virus and how to prevent am.
The health talk no stop for there as Dr. Jerry Ayejumon , the Director of Health Services come out talk say most people wey catch the virus still fit recover as na normal sickness go dey do Dem. Some other people condition fit be from frying pan to fire, especially old people Dem.
Dr. Ayejumon ginger students and every staff to take care as anything wey Concern their health body. To do this one, Dem must observe some things.
- Wash your two hands Wella with better soap and plenty wota, and use hand sanitizer.
- Just stay at least 1& half meters (5feet) distance from people wey dey cough or sneeze.
- Anybody wey dey cough or sneeze wella, make him Kanda for house, and avoid where people gather.
- Make sure say people around you dey do everything wey do avoid the virus. That one mean say, u go co we mouth and nose with tissue or cough or sneeze when u bend your elbow.
- Stay for your house if you no well. If u dey cough or get fever even if u no dey breath Wella. Kanda for your house.
Please call NCDC for any informate wey you get. The line dey available 24/7. 0800-970000-10. Abeg no treat yourself.