call now: +16043562925

Lockdown for Lagos don already dey affect Lagosians

Today dis morning I say make I enter street go see how Naija pipu dey prepare for dis 14 days lock down. Di one wey shock me pass na how pipu line up for front of ATM since 8am in di morning, many pipu dey withdraw and na few pipu dey deposit. Some don already dey complain say di ATM no dey serve dem well. So I use style ask some of dem why dem no dey use di online transfer method wey back provide? Dia opinion be say, if you wan buy some tin of N100 how you go take transfer dat one, some say how you go take pay all dos pipu wey no get account when you buy tins and wit di way 419 full for town how dem go take trust say di money enter dia account.
Lagos, Lockdown for Lagos  don already dey affect Lagosians
I say make I enter bus to hia how transporters dey prepare for dis lockdown, di driver wey I talk to, him say dis agbero pipu dey make tins difficult for dem. Him complain how di agbero boys increase park money just for today only.
How him say him go take prepare for di lockdown na to carry passenger anyhow, journey of N100 he go collect N50 just to say make him see money for himself for dis two weeks.
Anoda worry wey worry some of dem be say, how di goment go take help dem out, how dem go take get di “Relief material”, who be di “vulnerable” pipu wey goment talk say dem go assist.
Tell us how una dey prepare for dis Lockdown?
Na Kingsley Etim bring una this report

Leave a Reply

Your email address will not be published. Required fields are marked *

Call us:
Copyright © 2017, PIDGIN RADIO. All rights reserved. Crafted by Pentagrande