call now: +16043562925

Opposition Parties Don Chook mouth for OGA Presido Speech

Di opposite party wey be (CUPP) don follow chuk mouth for wetin awa oga Presido talk today around 7:45pm.
Di political party say dem support di federal Goment well well for di “no movement” decision wey dem take wey go affect Lagos, Ogun and Abuja for just 14 days. Dem say dis na di best way to use stop COVID 19 to spread.
Di tin wey also sweet dia Belle na wen the President announce say make all small business no worry dem sef pay back dia money wey dem borrow for dis period. Dem say dis decision make sense wella.
CUPP, Opposition Parties Don Chook mouth for OGA Presido Speech
Anoda tin wey di party mention say dem like na di fact say goment don talk say make dem turn some public place like stadiums as place for pipu wey dem suspect say dem get di disease to stay.
Though dem feel say di announcement come late but e better pass make oga Presido keep quiet.
Dem tank all di state goment for inside Naija for dia own effort and dem come tell everybody to try continue with di safety method to help make di disease no Waka pass as e don dey.
Dem say dis no be political party issue, na we all Naija pipu dey for inside dis gbege so make all of us awa hand together to fight Corona virus.
Announcer na Ikenga Imo Ugochiyere wey be di talk talk person for Opposition Coalition CUPP
This tori Na Kingsley dey write for pidgin radio

Leave a Reply

Your email address will not be published. Required fields are marked *

Call us:
Copyright © 2017, PIDGIN RADIO. All rights reserved. Crafted by Pentagrande